منتديات الألحان المرحة ® ALHAN MAREHA

منتديات الألحان المرحة ® ALHAN MAREHA


 
الرئيسيةملتقى البناتبحـثالأعضاءمكتبة الصوراليوميةالتسجيلدخول

شاطر | 
 

 تعظيم سلام_ مــصــر

استعرض الموضوع السابق استعرض الموضوع التالي اذهب الى الأسفل 
كاتب الموضوعموضوع في الألحان المرحة
M!ss Nemu
- الإدارة العـامة
- الإدارة العـامة
avatar

أي كتاب تقرأينه الآن ؟ أي كتاب تقرأينه الآن ؟ : قصص مغامرات شيرلوك هولمز
التسِجيلٌ» التسِجيلٌ» : 15/08/2010
الجنس » الجنس » : انثى

مُساهمةموضوع: تعظيم سلام_ مــصــر   السبت 23 أبريل 2011, 17:29

السلام عليكم

تعظيم سلام لمصر ست الكون*** أرواحنا عاشقة ترابها فين ما نكون
كامل كياننا بعشقها مسكون *** وهى مهد العشق والعشاق

تعظيم سلام لكل بيت فيكى*** ولكل حضن حنون مدفيكى
ياما قلت من أحاسيسى ح أنفيكى *** لكنى بارجع احنّلك واشتاق

تعظيم سلام للجيرة والعشرة*** دهب وماس برلنت مش قشرة
وشوش بريئة لا خاينة ولا كِشرة*** قرب وخدلك درس ف الأخلاق

تعظيم سلام للى حما عيلتى*** وف غيبتى عن وطنى سند ميلتى
وانا بره مصر لقيته ُضللتى *** وعيالى وعياله ف حضنه سواء

تعظيم سلام لقلوب بشر صادقة*** قالوا نموت وتعيش ماهش فارقة
لكن حنحمى بكره م السرقة *** ومافيش فروق لا ف دين ولا أسماء

تعظيم سلام لكنيسة مع جامـع *** ولكل حارة وناصية مع شارع
هما اللى جابوا فجرك الطالــع ***توأم ف لون الدم والأشلاء

تعظيم سلام يا أمى يا بهيـة*** تلاتين سنة بيجربوا فيا
واما طالبت بعيش وحرية ***عايزينى أرجع عتمة الأنفاق

تعظيم سلام لحفيد وأب وجـد ***ماخافش لكن قام وخدها بجد
مين اللى قال الثورة ملك لحـد *** غير الكرامة مافيش أمل ورجاء

تعظيم سلام يا بنت مصرية*** قلتى لحبيبك مهرى حرية
سندى وأمانى ف دنيتى الجاية*** علشان ولادنا يشوفوا خير ورخاء

تعظيم سلام لكيبورد مع شاشـة*** فضحت نوايا خاينة غشاشة
وقلوب مريضة حاسة بهشاشة*** سارقة عرقنا وهى أصل الداء

تعظيم سلام لبنات مع ُصبيان *** من غير رصاص ولا آلى ولاعُصيان
طلعوا المظاهرة يرفضوا الطغيان*** ويقولوا للظلم الطويل إلغاء

تعظيم سلام لحشود بتزرع ضى*** طلعت تقابل فجر بكره الجى
وماهمهاش ضرب الرصاص الحى*** مارد غضب حطم قيوده وفاق

تعظيم سلام لشباب جمعها مصير*** زوّق هتافها ميت ميدان تحرير
هانت خلاص وماعدش باقى كتير*** بقى صعب تانى نتحكم بغباء

تعظيم سلام يا مصر يا معاندة*** مالناش ميول سياسية وأجندة
ولا لينا شوق نعمل بروباجاندة*** وماتسمحيش لعبده بيه مشـتاق

تعظيم لـُحر ماعامش مع موجة *** ماسرقش حلم ف معمعة وهوجة
ولا قال كلامه بنية معووجة *** علشان يبان ف نشرة الأنباء

تعظيم سلام للى رفع راسنا ***علشان ف وقت الشدة يحرسنا
ولا ميت نظام تانى حيخرسنا*** بدراعنا نحميها مـن الغوغاء

تعظيم سلام يالجان ياشعبية *** قولى للجبان اللى خلا بيا
مااحناش عيال هايفة وسلبية *** مصر الحضارة تصد أى بلاء

تعظيم سلام للى وقف راجل*** بعد اما جاله بيان هروب عاجل
قال لو كرامتى حابيعها بالآجل*** إيه فايدة إنى أكون من الأحيـاء

حرس سلاح لمحمد البطران*** اللى أهان الخسة والخسران
نوّر بدمه شمعة الأوطان*** ولاهّمه أمر هروب ولا إعياء

تعظيم سلام للى نجد فجرى*** وألف حسرة ع اللى قام يجرى
وسابها للسافل وللغجَرى *** علشان يخرب كافة الأنحاء

تعظيم سلام ياعسكرى ف جيشى *** يابنى وأخويا وصاحبى وشاويشى
وآكل معايا ف ملحى وف عيشى*** وحامينى ف الشارع و ف الـُقشلاق

تعظيم سلام يا أبو الشهيد يا عنيد*** شيلته بإيديك ف زفة الزغاريد
قدمت ابنك للشهادة سعيد *** ولسة باقى اتنين لمصر فِـداء

تعظيم سلام يا كل روح طاهرة ***خرجت عشان تفدينا ف مظاهرة
قدرت تفك الكرب والقهرة*** مبروك عليكو ياخيرة الشهداء

تعظيم سلام يا سويس يا ولاّدة*** ياللى الأصالة فى معدنك عادة
واخدة الجهاد فريضة وعبادة*** طول عمر شعبك للميدان سباق

تعظيم سلام ياماريـّا ضميهم*** أملك حيتحقق على إيديهم
أيووه عليكى وانتى وسطيهم *** دينك خلاص بيسددوه بوفاء

تعظيم سلام يا مصر يا أصيلة*** لمى عيالك واجمعى العيلة
كشفوا الولاد المكر والحيلة*** كفاية عشنا سنين ف زيف ونفاق

تعظيم سلام يا ساحة التحرير*** أسفلت أرضك كان دفا وحرير
ومهما تانى رجعت أنام ف سرير ***مش حانسى واحد مرة بات ف خلاء.


تعظيم سلام يا مصر***** تعظيم سلام


منقول

❝ Alhan Mareha ❞

الرجوع الى أعلى الصفحة اذهب الى الأسفل
http://www.alhan-mareha.com
ايسو تشان=)
- الإدارة العـامة
- الإدارة العـامة
avatar

أي كتاب تقرأينه الآن ؟ أي كتاب تقرأينه الآن ؟ : Distributed system
التسِجيلٌ» التسِجيلٌ» : 05/01/2013
الجنس » الجنس » : انثى

مُساهمةموضوع: رد: تعظيم سلام_ مــصــر   الأحد 14 يوليو 2013, 10:59

 ما شاء الله كثير حلوة  القصيدة

جزاك الله كل خير
وان شاء الله ترجع الامور في مصر الحبيبة للاستقرار
ويختفي الباطل ويظهر الحق


دمت بود

❝ Alhan Mareha ❞

الرجوع الى أعلى الصفحة اذهب الى الأسفل
http://nasim555.roo7.biz/
Tobitsu !
- الإدارة العـامة
- الإدارة العـامة
avatar

أي كتاب تقرأينه الآن ؟ أي كتاب تقرأينه الآن ؟ : أوراق على الطاولة - حصار طروادة .
التسِجيلٌ» التسِجيلٌ» : 09/11/2013
الجنس » الجنس » : انثى

مُساهمةموضوع: رد: تعظيم سلام_ مــصــر   الثلاثاء 02 يونيو 2015, 17:33

بسم الله الرحمن الرحيم ،،السلام عليكم و رحمهة الله
اللّهم صل على محمد و على آله و صحبه و سلم
اسعد الله اوقاتك بالفل و الياسمين و الجوري و العنبر
كيفك؟اخبارك ؟ان شاء الله بالف خير و صحة و سلامهة
رههههيب !! مصر جميلة و اعجبني الشعر ذا ،
 شكرا لك دمت مبدعة  ..  في امان الله و رعايته

❝ Alhan Mareha ❞

الرجوع الى أعلى الصفحة اذهب الى الأسفل
http://www.alhan-mareha.com
 
تعظيم سلام_ مــصــر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الألحان المرحة ® ALHAN MAREHA :: الاقسام العامة :: كُولِيكشِن الصُّور ,-